¿La llucha ye cosa d'homes?

                  Pasen delantre los mis manos documentos y documentos enllenos de nomes.  Xente que nun momentu la so vida, allá en metanes los años 30, dexó a un llau la so vida normal y tevo qu’embarcase nuna llucha que marcaría la so vida pa siempres. Munchos foron los que dexaron ferramientes, trebeyos de llabor, garraron un fusil y marcharen a defender no que creyíen, arrechos de valor, d’arguyu y de miéu. Esos nomes, cayíos la mayoría n’esi sacu fonderu del escaezu, remanecen ehí, nos vieyos documentos de color amariellu, lluchando por nun desapaecer, por que daquién, dalgún díi, seya sacalos a la lluz.

                Ente esos nomes, casi toos de homes, mozos y vieyos, apaecen munchos de muyeres. Mocines que nun tiempu difícil enforma pa elles tomaren la decisión de lluchar polo de so ensin importayos adientrase nun mundiu d’homes. Una llucha por defender unos drechos negaos hestóricamente pero que  los movimientos obreros y revolucionarios d’entamos del sieglu XX punxeron enriba la mesa. Na revolución d’Ochobre, na guerra civil, munches muyeres combatieren en primera llínia comu milicianes, granada, fusil o dinamita en manu.

Miliciana na Sierra Guadarrama, Branu 1936

                Col tiempu foron siendo retiraes de primera llínia y destinaes a llabores sanitaries, d’enllaz, comu personal ausiliar nos batallones, pero’l so vezu por lluchar llombu con llombu trascendió na hestoria y delles pasaren a formar parte de la memoria colectiva de la llucha del pueblu. Rosario, la dinamitera que nel frente madrileñu perdió una manu, la nuesa Aida Lafuente, mitu de l’Asturies minera y proletaria, cara del 34 revolucionariu, les 13 roses fusilaes na posguerra.

Miliciana Marina Ginesta en Xunetu 1936, Barcelona

                 Belleza, mocedá y enfotu nun  mundiu meyor, xenerosu col humilde, col que tien que lluchar díi tres díi pa vivir ensin tener que baxar la cabeza frente a reyes, militares y clerigalla. Un puntu contrapuestu a lo que dende’l movimientu proponía Pilar Primo de Rivera, una imaxe de muyer servil, inferior, una máquina procreadora al serviciu del home, el estáu y la ilesia, ensin xuiciu, ensin pensamientu críticu. Un mundiu nel que la muyer nun tinía otra razón de ser que la de madre ya esposa.

                Dende equí, seyan estes semeyes, estes voces, estos poemes, el mio sinceru ya humilde homenax que se merecen.            

 Rosario, dinamitera,
sobre tu mano bonita
celaba la dinamita
sus atributos de fiera.
Nadie al mirarla creyera
que había en su corazón
una desesperación,
de cristales, de metralla
ansiosa de una batalla,
sedienta de una explosión.

Era tu mano derecha,
capaz de fundir leones,
la flor de las municiones
y el anhelo de la mecha.
Rosario, buena cosecha,
alta como un campanario

sembrabas al adversario
de dinamita furiosa
y era tu mano una rosa
enfurecida, Rosario.

Buitrago ha sido testigo
de la condición de rayo
de las hazañas que callo
y de la mano que digo.
¡Bien conoció el enemigo
la mano de esta doncella,
que hoy no es mano porque de ella,
que ni un solo dedo agita,
se prendó la dinamita
y la convirtió en estrella!

 Rosario, dinamitera,
puedes ser varón y eres
la nata de las mujeres,
la espuma de la trinchera.
Digna como una bandera
de triunfos y resplandores,
dinamiteros pastores,
vedla agitando su aliento
y dad las bombas al viento
del alma de los traidores.

Miguel Hernández – 1937

 

Miliciana del Batallón de Acero, Guadarrama

 

Miliciana extremeña

La biesquina del Palaciu Llabra

                No altu’l pueblu Llabra, nel conceyu Cangues d'Onís, asitiase’l palaciu, construción d’orixe medieval que ente los sieglos XVII y XX perteneció a la poderosa familia de los Soto. De la torre medieva orixinal foi pasándose a un conxuntu monumental con otra torre y un cuerpu central. El palaciu alcontrábase rodiáu de grandes estensiones de tarren asina como cases pa’l serviciu, los guardas , capielles, horros y más. Anguañu,ya tando el conxuntu en manes de los Condes de la Carrera, construyose un llagu artificial nos xardinos del palaciu nel que sobresal una estatua monstruosa de doráu fulgor. El valir económicu de la mesma de xuru que ye indubiable, el valir artísticu discutible, la prestancia y la guapura inexistente. Una horterada que, por suerte, la muria tendía al rodiu la finca caltién tapecía. Na parte sur del palaciu parte’l camín que antiguamente daba acesu al palaciu, sierpeando pendirriba polos terrenos señoriales dende Corau, ensín necesidá de metese pol pueblu. Esti camín, agora emplegáu namás que pol ganáu o dalgún parroquianu, discurre per ente una biesquina d’arbolinos mozos perguapa.

                 El ñacimientu’l camín anunciase na vera izquierda de la carretera que sube a Llabra. Ente la sebe amosase una muria piedra de bon tamañu y un puente en desusu cercaos pola allambrá ellectrificá que impide que escape’l ganáu y que entre’l curiosu. O lo inenta porque al final ún siempre ye atopar un llugar pol que pasar ensin problemes. El camín, ayeri pista de grava triada, güei caleyona alfombra de fueyes, yerbes y mofu, discurre ente muries de piedra bien trazaes, de bon acabáu que les estremen de les que normalmente zarren los praos. A manzorga y mandrecha, sigún les tornes que da’l camín nel so ascender, baxa’l regueru o medra’l monte, somorguiándolo tóo nel canciar continuu de los páxaros n’estes tardes braniegues de sol y orbayu. Cuerren les esguiles ente les rames, esguilando tueru arriba al sentir el cruxir de la grava baxo’l pie del caminante.

 

                Escoltando el camín apaecen bellos exemplares, ainda mozos, de carbayos y castaños, fayes, fresnos y pláganos que xurden airosos ente’l monte baxo y el felechu que trema la tierra. Les piedres a la vera’l camín, les muries, son reinu de feleches, mofu ya’l líquen. Hongos y setes tamién medren aprovechando les maeres podres re rames y árboles cayíos. N’esti mundiu de frescor y humedá el llimiagu faise omnipresente. 

                 A lo llargo’l camín sucédense tamién fasteres de biesca frondosa con tarrenos más abiertos nos que la pradería pon el contrapuntu ensin, por eso, restai un res de belleza al llugar. 

                Dos pontes de piedra y ladriellu crucien penriba’l camín. Quiciabes esti fore’l camín pa la xente del pueblu, quiciaes yera un camín peatonal d’acesu al mesmu palaciu. Nun lo sé. Agora ta inutilizable, cortáu pola mesma carretera xeneral en dalgún de los tramos.

                Nun se tarda muncho en facer el recorríu baxo l’arbolada y deseguida aportase a los praos del palaciu nos que n’estes feches pue vese xente, empleaos de los propietarios supongo, enfotaos na siega los mesmos. Asína pues nun nos queda más que tornar volviendo a gociar del sele pasear debaxo d’una maraviosa biesquina autóctona, ensin los grandes y vieyos exemplares que atopense nes mates y caminos de los montes pero con tol encantu de la vexetación cantábrica y d’unos exemplares que entá verán pasar munchos branos asturianos, cola so xente y les sos hestories.

 

Cases rotes

     Vivimos en un mundo de influencias. Los medios de comunicación nos dicen qué tenemos que ver, qué leer, qué pensar. Qué es arte y qué no. Nos marcan tendencias, corrientes de opinión. Nos dan noticias aparentemente objetivas que resultan ser finalmente vehículos con los cuales encauzar nuestro pensamiento en una dirección premeditada. Podemos pasar en poco tiempo de ver obreros en lucha a temibles terroristas callejeros. Nos creemos seres de gran raciocinio, con un inquebrantable sentido crítico, un criterio propio ajeno a manipulaciones y, raras veces, nos damos cuenta de nuestro error y nuestra vulnerabilidad. Nuestra suficiencia es nuestra debilidad.

 

     Mediados del mes de junio en el páramo soriano. Cuatro de la tarde. El mercurio por encima de los 35ºC. Un sol de justicia. Ni una pizca de viento que ayude a soportar el calor. Ante mi, solitarias, en lo alto de un cerro, las ruinas de Tiermes, poblado de origen celtibérico, territorio de los arévacos, aliada de Numancia. Ciudad posteriormente ocupada por romanos, godos, musulmanes y cristianos. Aún resulta citada en el Cantar del mio Cid. Ciudad excavada en la roca, al pie de peñas verticales de roja arenisca. Mi gozo ante tanta ruina, tanta historia me hace recorrer cada lugar del yacimiento, cámara en ristre, sudando la gota gorda bajo un sol implacable. De repente, a mi lado, un niño de dos años exclama:

-                     -   ¡Qué aburrimientu! Papá nos trae a ver cases rotes.

     Es mi hijo. Lo miro y estallo en carcajadas. 

     Libros de historia. Grandes eruditos. Ellos me han dicho lo que puedo encontrar. Lo que es cada uno de esos muros que apenas levantan medio metro del suelo. La importancia de un yacimiento en particular. Pero para un niño, con una visión del mundo más lógica, ajeno aún a todas esas influencias externas que dirigirán su percepción de las cosas, todas aquellas ruinas no son más que eso, cases rotes. Y, la verdad, no le falta razón.

La fortificación de la Peña de Candamu

                Van pasando los últimos días de la primavera. El solsticio se acerca pero el verano no quiere venir. El cielo sigue nublado, como viene estando los últimos días. Muchas de las cimas, alguno de los valles, permanecen inmersos en un océano de neblina gris, tenue y traslúcida, embriagando el aire del olor de la vegetación mojada. No es el mejor día para subir a la Peña de Candamu, pero el azar me trajo aquí y contra fuerzas invisibles de locos es luchar.

                Dejo el coche en el aparcamiento, vacío, y me acerco a la entrada de la cueva, esa maravilla artística del paleolítico, asturiano y mundial. Esta cerrada. Hoy es lunes y el lugar descansa de visitantes y vehículos. Es el día en el que la exuberante naturaleza que la rodea recupera su hegemonía.

Acceso a la cueva de La Peña. A la izquierda parte la senda que sube a la fortificación.

                 A la izquierda del camino, entre sebe y árboles, sube un pequeño sendero, apenas insinuado, lleno de barro, y con gran pendiente. Cuesta subir. Los pies patinan y es necesario ascender a pulso, agarrándose a la vegetación. La peña se yergue vertical sobre el valle. Un peñón rocoso, calcáreo, que domina este tramo del curso del Nalón, vigilando el continuo fluir de las aguas de un río que hace tiempo abandonó la geografía para convertirse en la vena que alimenta el mito de los asturianos.

               Finalizada la ascensión, corta en tiempo y distancia, fuerte en desnivel, llegamos a las primeras obras de la fortificación, un trinchera excavada en la roca siguiendo la dirección del estrato y una pequeña gruta, quizás un refugio antiaéreo o, más probablemente un polvorín.

Entrada a la galería refugio o polvorín. (Localización 1)

                La fortificación de la Peña de Candamu es una de las más llamativas e impresionantes que se pueden ver en Asturies, tanto por la magnitud de los trabajos como por el enclave escogido. Punto dominante de la cuenca del bajo Nalón, con paredes verticales en algunos sitios, reúne las características propias de los emplazamientos de las viejas torres y castillos. Incluso la misma edificación siguió pautas similares, adaptando las trincheras blindadas al contorno de la peña, como viejas murallas asentadas sobre piedra. En los diferentes crestones que sobresalen en la cumbre se fueron construyendo, unas veces sobre el nivel del suelo y otras mediante excavación de la roca madre, un amplio conjunto de fortificaciones de diversa tipología: búnkers, nido de ametralladora, galerías blindadas, puestos de observación, etc. Fue erigida a mediados del 37, pocos meses antes del fin de la guerra en el frente norte, y entre las curiosidades del lugar está la profusión de inscripciones en las áreas hormigonadas.

                Volviendo a la fortificación, apenas dejamos atrás la gruta que pudo haber sido el polvorín y hoy es refugio para ganado, aparece la primera trinchera, excavada en la roca siguiendo el curso del estrato calizo. Hacia la izquierda mirando hacia el norte, se aprecia el zigzagueo de la primera posición, una trinchera blindada en la que se ven claramente las troneras de fusilería. Por su parte, la trinchera excavada en la roca discurre recta hacia el sur, ganando en profundidad progresivamente, llegando al extremo del crestón, bajo la sombra de una gran cruz de hierro, a una pequeña posición dominante sobre San Román y el curso del Nalón.

Cruz sobre la peña ¿Símbolo exaltación de la victoria franquista o simple exposición de fervor religioso? (Localización 2)

                De este punto parte una línea de trincheras blindadas apoyadas sobre la roca madre siguiendo el perímetro de la cima de la peña por su parte sur. Los muros exteriores son de gran anchura, más de medio metro de piedra, ladrillo y hormigón con una sucesión continua de aspilleras. La techumbre de la posición fue destruida tras el fin de la lucha en el norte para extraer el hierro de los encofrados, material de gran valor en época de tanta escasez y tanta demanda en una Europa inmersa en un alocado rearme pre-bélico. Aquellas demoliciones, junto con el paso del tiempo, el abandono y la vegetación han dañado seriamente grandes tramos de la fortificación, aunque no por ello deja de resultar impresionante.

Troneras en la galería blindada (Localización 3)

Galería que asciende al fortín, y al fondo la galería sur (Localización 4)

                Dejo atrás estas primeras posiciones, y continúo por la cara este caminando cuesta arriba entre la vegetación desbocada de finales de primavera, empapándome por el orbayu que no cesa. La siguiente posición es la más destacada en cuanto a su visibilidad, pues resulta fácilmente visible desde el valle. Llego a un nuevo tramo de trinchera blindada, igualmente semiderruida, que asciende hasta un baluarte o fortín semicircular, quizás una posición artillera o un puesto de morteros, no lo sé, pero que destaca por encontrarse totalmente levantada sobre el nivel del suelo sobre un punto elevado. Tiene una única aspillera parcialmente derruida. Al igual que en la primera posición, también aquí dejaron su huella algunos milicianos, como David Solís Menéndez de Salinas (Castrillón) que dejó su rastro grabado en varios sitios. Curioso rasgo este de la conducta humana que siente la continua necesidad de dejar constancia de su paso por este mundo grabando nombres, apodos u expresiones en las paredes. Un acto que oscila entre lo incívico y el testimonio de incalculable valor.

Mensajes del pasado

Fortín intermedio y galería blindada (Localización 5)

                 A partir de aquí continúa la trinchera, cerrando la cara este en dirección norte. Nuevamente vuelvo a sentir el hallarme ante una construcción que sigue las pautas medievales, como una pequeña muralla con sus torres. En este caso los tambores, o secciones redondeadas de la trinchera, tienen por una parte las aspilleras y por la otra un pasillo, separados por una pared central, como un paso de camillas en una trinchera. También se aprecian los restos de entradas de acceso a la trinchera en varios tramos. 

Uno de los tambores con el muro interior que lo divide en dos (Localización 6)

 

Búnker en el peñón superior (Localización 7)

                Después de recorrer toda la trinchera, cubierta abundantemente por árboles y maleza llego al pié del peñón, la parte más elevada y agreste del lugar. Allí, camuflados por la piedra y la hiedra se encuentran otras dos posiciones, una cuadrangular, con tronera, que pudo haber sido un puesto de mando, y del que permanece en pie la entrada abovedada de acceso, excavada sobre la roca y con techo de ladrillo y hormigón. Pocos metros después una segunda posición, ovalada, probablemente un nido de ametralladoras destechado a excepción nuevamente de la puerta de acceso, que tiene grabada en el frontal la fecha de construcción “AGOSTO 15-37”. Desde aquí se puede disfrutar de una magnífica panorámica del valle y el río, de la vega de Aces, San Román y San Tirso, así como las estribaciones Sierra Sollera, con el Picu Cogollu y el Cado, donde se encontraban las posiciones nacionales durante la ofensiva de las columnas gallegas que intentaban romper el cerco de Oviedo. 

Nido de ametralladoras localizado junto al peñón (Localización 8)

                Tras descender del peñón y observo cómo semiocultos bajo un mar de musgo y pequeños árboles se adivinan posibles restos de construcciones, quizás restos de construcciones auxiliares u otras edificaciones destruidas.  Encaminándome de vuelta a la senda de acceso paso junto a la trinchera blindada que zigzagueaba entre la hierba que había visto al principio. Se conserva bastante bien pese a las destrucciones de rigor, pero tengo tal caladura encima que no me animo a sumergirme en un metro de vegetación chorreante y escayos amenazantes. Bastante me queda con volver al coche, descendiendo por la pendiente embarrada intentando no terminar rodando por el suelo. Pero pese a todo mereció la pena acercarse aquí, con la humedad y el orbayu, para conocer un poco más de nuestra historia y de uno de esos rincones que tanto abundan en esta tierra y que tan desconocidos nos resultan. Una peña en la que el hombre se ha empecinado en dejar impresa su huella a lo largo de los tiempos.

Trinchera blindada (Localización 9)

Vista aérea de la fortificación de la Peña con las localizaciones de las posiciones citadas

Arde Asturies

       Toi de pie nel andén 2 de la estación d’Uviéu. El tren de les 14:00 nun pasó, el direutu de y cuartu tarda más de lo normal. ¡Los mineros que cortaron les víes! Oise dicir a daquién ente’l magallu xente que espera mirando impaciente’l reló. Décimu díi de manifestaciones y lo que yos queda. 

 Al mio rodiu entamen a surdir les más estremaes opiniones: que si son unos vagos subencionaos, que ganen perres asgaya y xubilense a los cuarenta, que si hai que lluchar por defender lo nuestro, que si sólo nos joden a los demás... milenta opiniones. Ya equí va la mía.

La mineria n’Asturies nun tien futuru. Hai que lo reconocer. Ye más baratu trayelu d’otros llaos nos que se saca en mines a cielu abiertu con grandes desmontes. Eso y manu d’obra más barata ye más de lo que la minería astur pué soportar. El seutor, en si mesmu, ya nun tién la importancia económica que tinía delles déquedes atrás. Unos puquitinos miles d’obreros, que nun lleguen ni a la décima parte de los que trabayaben nes mines a metanes el sieglu pasáu. Ensin embargu, la mineria sigue siendo el coral d’Asturies, el alma de les cuenques. Un sentimientu que percorre por dientro de la clase obrera asturiana. Ye más que dedicase a sacar mineral de dientro la tierra. Ye la alcordanza d’aquella xente que entamo revoluciones obreres, una masa formidable y temible que resistió a ejércitos profesionales agarrándose d’uñes y dientes a les peñes de los cordales. Los mesmos que montaron les primeres güelgues de la dictadura, los que dieron lluz a les comisiones obreres. Son, pesie a quien yos pesie, l’espiritu lluchador d’esta tierra.

 

Cuando corten la carretera, o’l ferrocarril, yo nun veo molesties pa mi. Lo que veo ye un movimientu de protesta que tendría que dir secundao por toos nos. Puquitín a pocu van zarrando el xugu alrodiu’l nuesu pescuezu, apretando fuerte ensin llegar a afoganos. Van quitandonos los drechos ganaos en munchos años de llucha pero déxennos el miéu en cuerpu pa que nun protestemos, nun vaigamos quedanos ensin más tovía. Vienen a dicinos que si protestamos, si lluchamos, si amosamos el nuesu desencantu, la nuesa rabia, taremos cayendo n’actitudes antidemocrátiques, pseudo-terroristes. Tornaremos a convertinos en vagos y maleantes.

Quiero mineros nes cais, cortando carreteres, llevantando barricaes. Quiero xente que faiga arrechar l’arguyu nel corazón del obreru, que-i faiga escamplar la mente de los ñubarrones del miéu. Xente que nos puxe a les cais, a deciyos que esto nun ye lo que queremos. Que nosostros nun somos los que dábemos llicencies de contrución a manzorga y mandrecha. Nosotros nun saquemos ná de les stock options y nun xugabemos a la bolsa. Nosotros nun tábemos en dengún conseyu alministración de Caxa Madrí, CAM o Caxastur. Nosotros si pagamos el IBI, el IRPF, el IVA y tolos impuestos que nos calcaron. Y les nuestres families, la mía al menos, nun tiníen 2000 millones escaecíos en bancos suizos.

         Quiero mineros nes cais, repito. Y tresportistes. Y metalúrxicos. Mélicos, profesores, funcionarios y camareros. Quiero que to’l mundiu salga a la cai, que-i prenda fueu a Asturies, a España ya Europa entera y yos diga a esa triba mangantes que nos gobiernen que no, nel nuesu nome non.

Alborada de fueu

Les seis y media la mañana. Cuéstame caltener los gueyos abiertos y fixar l’atención ne mi llabor. El trabayu va acumulándose y eso que entá nun paré. Acostase a medianuechi y llevantase a les tres y media. Asina un dí tres d’otru. Llévome la taza col café a los llabios. Ya nun soporto ni el tastu nin el golor, pero la cafeína que me percuerre por dientro ye la que me mantién en movimientu, la que-i torga al párpagu zarrase ya la mente dexase cayer nun pozu somnolencia. Miro de nueves el reló. Quédame entá llabor hasta’l meudía. Hai que chai filosofía al asuntu.

Echo un güeyu al traviés del cristal. Dexó de llover. Pero’l vientu entá nun amainó. La mar tien un tonu verdosu perguapu, mestu del azul del agua ya’l naranxáu del sable. La resaca tien to’l fondu revueltu. Les gaviotes, esnalando unes, otres posaes na mar, llancen los sos chirríos que llamen a mar.

Torno la cabeza pal otru lláu, pal de tierra, au tá’l puertu ya’l pueblu rodiaos por una cordalera rocosa, de monte baxu, casique ensin árboles. Nun ye de gran altor pero al tar tan averao a la mar destaca enforma escontra’l horizonte.

El cielu ta prietu, tremao de cúmulos, ensin lluz denguna, albidrando pol xurdir del sol que ya ta’l cayer. Un nueu día, un día más, igual que los anteriores. O non.

El cielu aclaria por llevante, xusto detrás de lo más cimero del cordal. La lluz del sol n’esa alborá de primavera entama a filtrase ente les ñubes. Seliquino al entamu, el brillu aumenta en intensidá  a un ritmu inusitáu, pero la cerrazón de le ñubes  recluye l’albor a un puntu namás, xusto enriba´l pueblu. La lluz dexa de ser lluz pa tornase en rellumu, rellumu que ciega los güeyos, que refléxase nel espeyu de ñubes, que pinta los montes de collores escesivos, roxos, moraos. Atras quedo’l verde mate de los matos o los ocalitos. Les peñes, el gris del calizu, difuminase somorguiao ente’l resplandor. 

Cansáu quiciaes d’esperar pol branu, afogáu dempués de tantos díes de ñubes y orbayu, azotáu pol nun parar de vientos fríos de salitre, el Sol decide imponer el so criteriu, prendiéndoi fueu al cielu. Marcando territoriu. Ablucando a homes y animales col so esplendor, col so poder. La cafeína nun me fai efeutu. El párpagu nun quier zarrase, y la mente, sobrecoyía, abeyase en guardar eses imáxenes nel requexu los recuerdos. Les gaviotes callen y miren colos sos güeyos prietos que rellumen de gozu. Esti ya nun ye un albor normal d’un día más, ye una alborá de fueu. 

Nel silenciu que nos acuca namás que’l vientu, puxando con enfotu les foles escontra playes y cantiles, dexa oyer la so voz, un mermuru roncu y oscilante, pa nun dexanos escaecer que, pesie a tóo, el branu entá nun llegó.

 

 

Caleyando por Pravia

     Domingu pela mañana. Dempués d’un iviernu secu la primavea paez que vien col envís de correxir el desfase hidrolóxicu. Orbaya, sele pero dafechu. Dacuandu una ñube descarga con fuercia. El cielu, cubiertu de prietos cúmulos, alluma’l paisaxe asturianu cola so triste lluz, esa lluz tenue que-i da la so prestancia a esta tierra de nueso. Esa lluz que arreblaga’l corazón, que se siente, que s’esnala. Lluz que funde na distancia la tierra ya’l cielu nun mesmu ser.

     Adormecíu pol so traquetéu ya’l calor de la calefación, báxome na estación del tren de Feve que me trae dende Xixón. Baxo sólu. Na estación nun se ve un alma. Ye domingu, y nes cais del pueblu la vida descansa. Préstenme estes estaciones, de les que tantes hai entá nos pueblos asturianos. Construyíes nos entamos del sieglu XX entá caltienen un tafu a fumu y vapor. Ensín grandes alardes arquitectónicos tienen meyor presencia y más personalidá que les nueves costruciones, munchu más funcionales, pero menos atractives. O eso al menos ye lo que a mi me paez.

Viviendes obreres

     Pravia, l’antigua capital del reinu astur baxo’l gobiernu de Silu, ye anguañu un pueblu de vida seliquina, arreblagáu nes orielles del ríu Nalón. Tien aire burgués, y aunque de fondu pasáu nobiliariu remembra más una villa de reposu de la burguesía uvieína de los años 20 o 30 del sieglu pasáu.

     Nun queden restos de les muralles de la pola medieval más alló del trazáu urbanu que n’algunos llugares entá delimita el espaciu intramuries del esternu, y el edificiu más antigüu nel cascu urbanu ye la Capiella de la Casa del Busto, de metanes el sieglu XVI.

     Cunten les cróniques de Claudio Ptolomeo, que na oriella izquierda del ríu Nalón, en territoriu paésicu, asitiabase la ciudá de Flavionavia, asentamientu romanu perimportante na Asturies imperial, y que, col pasar de los años daría llugar a la pola de Pravia. De toes formes l’asitamientu esactu de Flavionavia nun tá claru. La ubicación más probable nun sedría la mesma Pravia, sinon Santianes, llugarín averáu y cuna del arte prerrománicu asturianu cola Ilesia de San Xuan, construyía en tiempos del rei Silu (774-783). La capitalidá del reinu caltúvose durante los reinaos del mesmu Silu, Mauregatu ya Bermudu, hasta que, Alfonsu II el Castu treslladó la capital a la colina d’Ovetum, ya asina hasta güei.

Estatua del Rei Silu

     Pravia, comu cabezalera d’un conceyu eminentemente agrícola, foi perdiendo col tiempu la so puxanza al tiempu qu’el so territoriu diba desmembrándose en otros conceyos (Muros, Cuideiru y Sotu’l barcu), polo que a la fin terminó como una pequeña polación agrícola, con bona representación de casones solariegues de la vieya nobleza astur, y tierra d’emigración pa les amériques.

     Tornando a la villa, dexando atrás la estación y dalgunos vieyos edificios d’orixe fabril, subo pola cai Agustín Bravo. Esta cai marca nidiamente lo que yera’l trazáu de les muries medievales, rodiando’l cascu vieyu, y na que casones señoriales de los sieglos XVII y XVIII señalen les llendes de la pola vieya. Ente estes destaca pol so tamañu la Casa d’Alvaro del Busto, bloque pétreu de tres altures reconvertíu n’hotel. Ye un claru exemplu de la arquitectura palaciega de mediaos del XVI. Recies muries de piedra encuadraes por sillares, puerta d’acesu con arcu de mediu puntu que-i da un airiquín arcaicu, ventanales con balconaes de fierru forxáu. Sobriedá no que cinca al ornatu pero d’arrecha señorialidá. Con capiella anexa, comu yera vezu entós, trátase del edificu más antigüu de la villa. 

Casona del Busto, anguañu convertía n'Hotel

     Al finar la cai apaezo nuna plazoletina na que destaca enforma la casa de la marquesa de Casa Valdés, apellíu de gran raigañu ente la nobleza astur. La construcción actual data de 1798, construyéndose sobre una casona anterior. Presenta similares carauterístiques que l’anterior. Planta cuadrá, construyía en tornu a un patiu porticáu, balcones voladizos en fierru forxáu, sillares zarrando los llienzos, tres altures… Adxunto a la vivienda alcuéntrase la capiella.

La casa la Marquesa de Casa Valdés

     Na mesma plaza pueo ver otros edificios curiosos, casones de piedra de menor tamañu con blasones, o la mesma casa’l conceyu, edificación neoclásica del sieglu XVIII que caltién les mesmes pautes de sobritú ya arrechura que les demás, y que tién la curiosidá d’haber sío construyía col dineru sacáu del comerciu del salmón, anecdota que me tresporta a un tiempu pre-industrial, nel que’l ríu Nalón, bañaba les vegues coles sos agües clares tremaes de salmones.

     Déxome dir p’ente les cais, estreches, col pisu de llábanes moyaes embede’l asperu y suciu asfaltu que suel tar al casu, y vai dexando de lláu un contínu de casones de piedra, la mayoría bien conservaes, dalguna en plenu procesu d’abandonu, hasta llegar al corazón de la villa, la plaza Sabino Moutas. N’ella doime col conxuntu más particular de Pravia, constituyíu pol Palaciu de Moutas, la Colexata de Santa María la Mayor y les coquetes cases de los Canónigos. En mediu d’esti conxuntu la estatua del omnipresente rei Silu.

Colexata de Santa María la Mayor

     La Colexata llámame l’atención pola solidez que remana, con sólides muries de piedra casique sin entraés de lluz, ya un campanariu que remembra una torre defensiva. Construyía a entamos del sieglu XVIII, en 1715, polos arquitectos De la Riba y Pedro Muñiz, tien tres naves y cruceru, entrá porticada. Carez d’ornates esternos que-i suavicen presencia tan recia. Dientro consérvense dellos retablos barrocos asina como un muérganu del mesmu estilu, asina comu delles muestres d’arte relixosu.

     Adxuntu a la colexata atópase’l Palaciu de Moutas. De planta rectangular, construyíu arodies d’un patíu interior y dos altures, destaca enforma del restu de les construciones señoriales pravianes pola decoración que presenta la puerta, con arcu de mediu puntu flanqueada por columnes de fuste llisu y con vanos adornaos con motivos xeométricos, vexetales ya humanos. Tamién llama l’atención la gran balconada na fachá principal, con un balcón correor de fierru forxáu. No cimero, guardáu por dos lliones rampantes, el escudu de los blasones de los Cuervo-Arango, Inclán y Miranda.

Frontal del Palaciu de Moutas

     En frenti d’estos veo les Cases de los Canónigos. Les antigües viviendes de los relixosos de la colexata ye un conxuntu de tres plantes col baxu porticáu, balcones correores de fierru forxáu, y balcones zarraos con cristaleres. Carez de la magnificencia de les casones señoriales pero tien una prestancia coqueta, albidrando quiciaes el vinir de nueos aires burgueses. La bayura de grandes ventanales contrasta enforma colo opresivu de la fachá  del templu dando-i al conxuntu de la plaza un puntu menos duru.

     A un llau de la plaza, xunto una casa de corte indianu, la estatua del Rei Silu, guardián del pasáu real dela pola, con una réplica a los pies de la llosa llaberíntica que se alcuentra na ilesia de Santianes de Pravia, na que, partiendo de la casiella central pué lleése la frase “Silo princeps fecit” nun millar de combinaciones distintes. O eso al menos ye lo que dicin.

Silo princeps fecit

     Dexo la plaza la colexata atrás, y llego deseguío a la plaza’l Conde Guadalhorce, de la que sal la cai San Antonio. N’esti tarrén asitiaríase l’hospital de pelegrinos de San Antonio, que daba abellugu a los pelegrinos que diben dica Santiago pol camín de la costa. N’esta parte de la villa praviana destaquen abondes edificaciones d’entamos del sieglu XX, d’estilu modernista, bien cuidaes ya armonizaes. Estos edificios, de dos o tres altures, dan bona muestra del punxu burgues nel primer terciu del sieglu XX, nel que en Pravia se llevantaren empreses azucareres ente otres. Sin embargu, pesie al desfile de ornatos vexetales, columnes, capiteles y balconaes los gueyos vanse direutamente al cartelu que anuncia un bar, bar La Praviana. Poques vegaes vi un cartelu tan guapu, y como más val una imaxe que mil pallabres ehí va la mía

     La mañana va pasando tranquilamente. El cielu sigue enfurruñau y nun dexa d’orbayar. Continúo col dembular poles cais, pero la villa ye pequeña y nun dá pa munchu más. Dalguna capiella, comu la del valle, col so retablu renacentista del sieglu XVI. Dalguna fonte y pocu más.

     Col pelu moyáu, calaos los pantalones, tiro pa la estación. Pol camín paro nun comerciu a mercar unos carajitos, pa dir faciendo el camín de torna a casa más dolce. Entá me queda media tarde, pero el vagar poles tranquiles cais de la villa praviana baxo’l orbayu déxenme un sentir serenu, pacíficu. Un tastu a esi mundiu nel que la vida trescurre más seliquino.